ਪੰਜਾਬ ਵਿੱਚ ਨਸ਼ਾ ਖਤਮ ਹੋਵੇ ਨਰਾਤਰਿਆਂ ਦੌਰਾਨ ਇਹੀ ਕਾਮਨਾ ਲੈ ਕੇ,, ਸਤਲੁਜ ਸਰਾਏ ਪੱਤਣ ਤੋਂ ਰੋਜਾਨਾ ਇਸ਼ਨਾਨ ਕਰਕੇ, 10 ਕਿਲੋਮੀਟਰ ਪੈਦਲ ਮਾਤਾ ਦੇ ਦਰ ‘ਤੇ ਜਲ ਪਹੁੰਚਾਉਂਦਾ ਰਿਹਾ ਭਗਤ ਪ੍ਰਿੰਸ

ਰਪੁਰ ਬੇਦੀ 6 ਅਪ੍ਰੈਲ ਦਲਜੀਤ ਚਨੌਲੀ  ਚੇਤ ਦੇ ਨਵਰਾਤਿਆਂ ਵਿੱਚ ਜਿੱਥੇ ਹਰ ਭਗਤ ਆਪਣੇ ਤਰੀਕੇ ਨਾਲ ਮਾਂ ਦੀ ਸੇਵਾ ‘ਚ ਲੀਨ ਰਿਹਾ। ਓਥੇ ਪਿੰਡ ਭੱਟੋ ਦੇ ਮਾਤਾ ਨੈਣਾ ਦੇਵੀ ਮੰਦਿਰ ਨਾਲ ਜੁੜੇ ਭਗਤ ਪ੍ਰਿੰਸ ਬੰਸਲ ਨੇ ਜੋ ਵਿਰਲੀ ਉਦਾਹਰਨ ਪੇਸ਼ ਕੀਤੀ, ਉਹ ਅੱਜ ਦੇ ਸਮੇਂ ‘ਚ ਇਕ ਅਨੋਖੀ ਤਪੱਸਿਆ ਅਤੇ ਏਕਾਗ੍ਰਤਾ ਦੀ ਤਸਵੀਰ ਪੇਸ਼ ਕਰ ਰਹੀ ਹੈ।ਭਗਤ ਪ੍ਰਿੰਸ ਹਰ ਰੋਜ਼ ਸਵੇਰੇ 2:30 ਵਜੇ ਆਪਣੇ ਪਿੰਡ ਤੋਂ ਲਗਭਗ 10 ਕਿਲੋਮੀਟਰ ਦੂਰ ਸਤਲੁਜ ਸਾਰੇ ਪਤਣ ‘ਤੇ ਪਹੁੰਚਦੇ ਸਨ।ਤੇ ਸਤਲੁਜ ਦੇ ਠੰਡੇ ਪਾਣੀ ਵਿੱਚ ਰੋਜ਼ਾਨਾ ਇਸ਼ਨਾਨ ਕਰਕੇ ਮਾਤਾ ਦੇ ਇਸ਼ਨਾਨ ਲਈ ਗਾਗਰ ‘ਚ ਪਵਿੱਤਰ ਜਲ ਭਰਦੇ ਅਤੇ ਛੱਤਰ ਦੀ ਛਾਇਆ ‘ਚ ਬਿਨਾ ਬੋਲੇ ਪੈਦਲ ਹੀ ਮੰਦਰ ਤੱਕ ਪਹੁੰਚਦੇ ਰਹੇ।ਇਸ ਪੈਦਲ ਯਾਤਰਾ ‘ਚ ਪਿੰਡ ਦੇ 30-35 ਨੌਜਵਾਨ ਹਰ ਰੋਜ਼ ਭਜਨ-ਕੀਰਤਨ ਕਰਦੇ ਹੋਏ ਭਗਤੀਮਈ ਮਾਹੌਲ ਬਣਾਉਂਦੇ ਰਹੇ।ਰਾਮ ਨਵਮੀ ਦੇ ਪਵਿੱਤਰ ਦਿਨ ਮੌਕੇ, ਪੰਜਾਬ ਮੋਰਚਾ ਦੇ ਕਨਵੀਨਰ ਅਤੇ ਸਮਾਜ ਸੇਵੀ ਗੌਰਵ ਰਾਣਾ ਖ਼ਾਸ ਤੌਰ ‘ਤੇ ਇਹਨਾਂ ਨੌਜਵਾਨਾਂ ਦਾ ਹੌਸਲਾ ਵਧਾਉਣ ਲਈ ਸਤਲੁਜ ਪੱਤਣ ਪਹੁੰਚੇ, ਜਿੱਥੇ ਉਨ੍ਹਾਂ ਨੇ ਪ੍ਰਿੰਸ ਬੰਸਲ ਅਤੇ ਸਾਥੀਆਂ ਨੂੰ ਫੁੱਲ ਮਾਲਾ ਪਾ ਕੇ ਸਨਮਾਨਿਤ ਕੀਤਾ।ਗੌਰਵ ਰਾਣਾ ਨੇ ਕਿਹਾ ਕਿ ਅੱਜ ਦੇ ਦੌਰ ‘ਚ ਇੰਨ੍ਹਾਂ ਵੱਡਾ ਉਪਰਾਲਾ ਨੀਦ ਤਿਆਗਣ ਦੀ ਜਿੱਦ ਅਤੇ ਭਗਤੀ ਭਾਵਨਾ ਲੱਖਾਂ ‘ਚੋਂ ਕਿਸੇ ਇਕ ਵਿਚ ਹੀ ਵੇਖਣ ਨੂੰ ਮਿਲਦੀ ਹੈ। ਮਾਤਾ ਨੈਨਾ ਦੇਵੀ ਆਪਣੇ ਇਨ੍ਹਾਂ ਨੌਜਵਾਨਾਂ ਤੇ ਇਲਾਕੇ ਉੱਤੇ ਕਿਰਪਾ ਬਣਾਈ ਰੱਖੇ।ਇੱਥੇ ਗੱਲਬਾਤ ਕਰਦਿਆਂ ਪ੍ਰਿੰਸ ਬੰਸਲ ਨੇ ਦੱਸਿਆ ਉਹ ਬਚਪਨ ਤੋਂ ਹੀ ਮਾਤਾ ਦੇ ਭਗਤ ਹਨ।ਅਤੇ ਨਵਰਾਤਿਆਂ ‘ਚ ਉਨ੍ਹਾਂ ਦੀ ਇਹੀ ਇੱਛਾ ਰਹੀ ਕਿ ਪੰਜਾਬ ਦੇ ਨੌਜਵਾਨ ਨਸ਼ਿਆਂ ਤੋਂ ਦੂਰ ਹੋਣ ਅਤੇ ਧਾਰਮਿਕ ਰਾਹ ਤੇ ਚੱਲਣ।ਉਨ੍ਹਾਂ ਦੀ ਇਸ ਤਪਸਿਆ ‘ਚ ਪਿੰਡ ਦੇ ਹੋਰ ਦੋ ਨੌਜਵਾਨ ਵੀ ਹਰ ਰੋਜ਼ ਇਸ਼ਨਾਨ ਕਰਕੇ, ਰਸਤੇ ਵਿਚ ਪਵਿੱਤਰਤਾ ਬਣਾਈ ਰੱਖਣ ਲਈ ਜਲ ਛਿੜਕਦੇ ਰਹੇ।