ਮਹਿਕਦੀਪ ਕੌਰ ਨੇ ਆਪਣੇ ਪਿੰਡ ਬੱਠੇ ਭੈਣੀ ਦਾ ਨਾ ਰੋਸ਼ਨ ਕੀਤਾ

 ਪੱਟੀ 4 ਅਪ੍ਰੈਲ ( ਹਰਭਜਨ ਸਿੰਘ, ਕੰਵਲਦੀਪ ਸਿੰਘ ਸਾਬੀ ) ਮਹਿਕਦੀਪ ਕੌਰ (20) ਵਾਸੀ ਪਿੰਡ ਬੱਠੇ ਭੈਣੀ, ਜੋ ਕਿ ਅੰਮ੍ਰਿਤਸਰ ਖਾਲਸਾ ਕਾਲਜ ਯੂਨੀਵਰਸਿਟੀ ਵਿਖੇ ਬੀ.ਏ ਕਲਾਸ ਦੀ ਸਟੂਡੈਂਟ ਹੈ, ਨੇ ਚੰਡੀਗੜ੍ਹ ਵਿਖੇ ਹੋਏ ਰੋਇੰਗ ਖੇਡ ਦੇ, ਦੋ ਕਿਲੋਮੀਟਰ ਵਰਗ ਵਿਚ ਬਰੋਨਜ਼ ਅਤੇ ਪੰਜ ਕਿਲੋਮੀਟਰ ਵਿਚ ਬ੍ਰੋਨਜ਼ ਮੈਡਲ ਹਾਸਲ ਕਰਕੇ ਪਟੀ ਹਲਕੇ, ਆਪਣੇ ਪਿੰਡ ਅਤੇ ਮਾਪਿਆਂ ਦਾ ਨਾਮ ਰੌਸ਼ਨ ਕੀਤਾ ਹੈ। ਇਨ੍ਹਾਂ ਖੇਡਾਂ ਵਿਚ ਆਲ ਇੰਡੀਆ ਯੂਨੀਵਰਸਿਟੀ ਦੀਆਂ ਟੀਮਾਂ ਨੇ ਹਿੱਸਾ ਲਿਆ। ਇਸ ਮੋਕੇ ਮਹਿਕਦੀਪ ਦੇ ਪਿੰਡ ਬੱਠੇ ਭੈਣੀ ਆਉਣ ਤੇ ਪਿੰਡ ਵਾਸੀਆਂ ਵੱਲੋਂ ਨੋਟਾਂ ਦੇ ਹਾਰ ਪਾ ਕੇ ਭਰਵਾਂ ਸਵਾਗਤ ਕੀਤਾ ਗਿਆ। ਇਸ ਤੋਂ ਇਲਾਵਾ ਮਹਿਕਦੀਪ ਨੇ 20, 24 ਸਰਕਲ ਕਬੱਡੀ ਪਟਿਆਲਾ ਵਿਖੇ ਗੋਲਡ ਮੈਡਲ ਵੀ ਹਾਸਲ ਕੀਤਾ। ਇਸ ਮੌਕੇ ਮਹਿਕਦੀਪ ਕੋਰ ਵੱਲੋਂ ਬਰਾਉਨਜ਼ ਮੈਡਲ ਹਾਸਲ ਕਰਨ ਤੇ ਕੈਬਨਿਟ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਵੱਲੋਂ ਵਧਾਈ ਦਿੱਤੀ ਗਈ। ਇਸ ਮੌਕੇ ਮਹਿਕਦੀਪ ਦੇ ਪਿਤਾ ਪ੍ਰਮਜੀਤ ਸਿੰਘ, ਅਮਰ ਸਿੰਘ ਹੈਪੀ, ਗੁਰਭੇਜ ਸਿੰਘ ਪ੍ਰਧਾਨ, ਹੈਪੀ, ਗੁਰਪ੍ਰੀਤ ਸਿੰਘ, ਇੰਦਰਜੀਤ ਸਿੰਘ ਕਨੇਡਾ, ਨਿਸਾਨ ਸਿੰਘ, ਨਵਜੋਤ ਸਿੰਘ, ਹਰਦੀਪ ਸਿੰਘ, ਰਾਜਵਿੰਦਰ ਸਿੰਘ ਅਤੇ ਕੋਚ ਪਵਨ ਸਰ,ਹਾਜਰ ਸਨ।