ਸਰਕਾਰੀ ਬਹੁਤਕਨੀਕੀ ਕਾਲਜ ਭਿੱਖੀਵਿੰਡ ਵਿਖੇ ਸਾਲ 2026-27 ਦੀ ਦਾਖਲਾ ਪ੍ਰਕਿਰਿਆ ਸ਼ੁਰੂ

ਅੰਮ੍ਰਿਤਸਰ /ਭਿੱਖੀਵਿੰਡ ( ਮਨਜੀਤ ਸਿੰਘ ਸ਼ੇਰਗਿੱਲ) ਜਿਲ੍ਹਾਂ ਤਰਨਤਾਰਨ ਦੇ ਹਲਕਾ ਖੇਮਕਰਨ ਅਧੀਨ ਪੈਂਦੇ ਕਸਬਾ ਭਿੱਖੀਵਿੰਡ ਤੋਂ ਥੋੜੀ ਦੂਰ ਖੇਮਕਰਨ ਰੋਡ ਚੇਲਾ ਮੋੜ ਤੇ ਸਥਿਤ ਸਰਕਾਰੀ ਬਹੁਤਕਨੀਕੀ ਕਾਲਜ ਭਿੱਖੀਵਿੰਡ ਵਿਖੇ ਸਾਲ 2026-27 ਵਿੱਚ ਦਾਖਲੇ ਲਈ ਰਜਿਸ਼ਟ੍ਰੇਸ਼ਨ ਦੀ ਪ੍ਰਕਿਰਿਆ ਚੱਲ ਰਹੀ ਹੈ ਭਿਖੀਵਿੰਡ ਨਾਲ ਲੱਗਦੇ ਕਈ ਇਲਾਕਿਆਂ ਦੇ ਲੜਕੇ – ਲੜਕੀਆ ਰਜਿਸਟ੍ਰੇਸ਼ਨ ਕਰਵਾ ਰਹੇ ਹਨ, ਵਰਣਨਯੋਗ ਹੈ ਕਿ  ਮਿਤੀ 14-06-26 ਨੂੰ ਪਹਿਲੇ ਦੌਰ ਦੇ ਦਾਖਲੇ ਲਈ ਆਖਰੀ ਤਰੀਕ ਹੈ ਪਰ ਇਹ ਦਾਖਲਾ ਅਗਸਤ ਮਹੀਨੇ ਤੱਕ ਚੱਲਦਾ ਰਹੇਗਾ। ਸਰਕਾਰੀ ਬਹੁਤਕਨੀਕੀ ਕਾਲਜ, ਭਿੱਖੀਵਿੰਡ ਵਿਖੇ ਤਿੰਨ ਸਾਲਾ ਇਲੈਕਟ੍ਰੀਕਲ ਇੰਜ:, ਮਕੈਨੀਕਲ ਇੰਜ:, ਇਲੈਕਟ੍ਰੋਨਿਕਸ ਇੰਜ:ਅਤੇ ਕੰਪਿਊਟਰ ਸਾਇੰਸ ਇੰਜ: ਦੇ ਤਿੰਨ ਸਾਲਾ ਡਿਪਲੋਮਾ ਕੋਰਸ ਕਰਵਾਏ ਜਾਂਦੇ ਹਨ। ਇਹਨਾਂ ਕੋਰਸਾ ਨੂੰ ਲੈ ਕੇ ਆਲੇ ਦੁਆਲੇ ਦੇ ਪਿੰਡਾਂ ਵਿੱਚ ਚੰਗਾ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ । ਮਕੈਨੀਕਲ ਵਿਭਾਗ ਦੇ ਮੁੱਖੀ ਸ੍ਰੀ ਅਮਨ ਚੱਢਾ ਜੀ ਨੇ ਦੱਸਿਆ ਹੈ ਕਿ ਜਿਹੜੇ ਕੋਰਸਾ ਵਿੱਚ ਦਾਖਲਾ ਲੈਣ ਲਈ ਦਸਵੀ, 10+2  ਅਤੇ 2 ਸਾਲਾ ਆਈ.ਟੀ.ਆਈ. ਦੀ ਯੋਗਤਾ ਚਾਹੀਦੀ ਹੈ । ਸੰਸਥਾ ਦੇ  ਪ੍ਰਿੰਸੀਪਲ ਸ਼੍ਰੀ ਰਾਜੇਸ ਕੁਮਾਰ ਧੁੰਨਾ ਜੀ ਨੇ ਦੱਸਿਆ ਕਿ ਇਸ ਸਾਲ ਹੁਣ ਤੱਕ ਦੋ ਕੰਪਨੀਆਂ ਦੀ ਪਲੇਸਮੈਟ ਡਰਾਈਵ ਕਰਵਾਈ ਜਾ ਚੁੱਕੀ ਹੈ ਇਹਨਾਂ ਵਿੱਚ  JBM Green Energy System  ਅਤੇ  JETEKT India Ltd. ਸ਼ਾਮਲ ਹਨ । ਉਹਨਾਂ ਇਹ ਵੀ ਦੱਸਿਆ ਕਿ ਐਸ. ਸੀ. ਉਮੀਦਵਾਰਾਂ ਲਈ ਤਿੰਨ ਸਾਲ ਦੀ ਫੀਸ ਮਾਤਰ 1683 ਰੁਪਏ ਹੈ , ਅਤੇ ਜਨਰਲ ਕੈਟਾਗਿਰੀ ਉਮੀਦਵਾਰ ਜਿੰਨਾ ਦੇ ਦਸਵੀ ਵਿੱਚੋਂ ਅੰਕ 90 ਪ੍ਰਤੀਸ਼ਤ ਤੋਂ 100 ਪ੍ਰਤੀਸ਼ਤ ਹਨ ਉਹਨਾ ਦੀ ਸਲਾਨਾ ਫੀਸ 7150 ਰੁਪਏ ਹੈ, ਜੇਕਰ ਦਸਵੀਂ ਦੇ ਨੰਬਰਾ ਦੀ ਪ੍ਰਤੀਸ਼ਤ 80 ਪ੍ਰਤੀਸ਼ਤ ਤੋਂ 90 ਪ੍ਰਤੀਸ਼ਤ ਹੈ ਤਾਂ ਸਲਾਨਾ ਫੀਸ 9350 ਰੁਪਏ ਹੈ ,ਜੇਕਰ ਦਸਵੀਂ ਦੇ ਨੰਬਰਾ ਦੀ ਪ੍ਰਤੀਸ਼ਤ 70 ਪ੍ਰਤੀਸ਼ਤ ਤੋਂ 80 ਪ੍ਰਤੀਸ਼ਤ ਹੈ ਤਾਂ ਸਲਾਨਾ ਫੀਸ 11550 ਰੁਪਏ ਹੈ,ਜੇਕਰ ਦਸਵੀਂ ਦੇ ਨੰਬਰਾ ਦੀ ਪ੍ਰਤੀਸ਼ਤ 60 ਪ੍ਰਤੀਸ਼ਤ ਤੋਂ 70 ਪ੍ਰਤੀਸ਼ਤ ਹੈ ਤਾਂ ਸਲਾਨਾ ਫੀਸ 13750 ਰੁਪਏ ਹੈ   ਅਤੇ ਹਰ ਉਮੀਦਵਾਰ ਲਈ ਮੁੱਖ ਮੰਤਰੀ ਸਕਾਲਰਸ਼ਿਪ ਸਕੀਮ ਲਾਗੂ ਹੈ।