ਅਫਸਰਾਂ ਨੇ ਨਜਾਇਜ਼ ਮਾਈਨਿੰਗ ਕਰਨ ਵਾਲਿਆਂ ਤੇ ਜਲਦੀ ਕਾਰਵਾਈ ਕਰਨ ਦਾ ਦਿੱਤਾ ਭਰੋਸਾ

 ਦੋ ਜਿਲਿਆਂ ਦੇ ਅਫਸਰਾਂ ਦੇ ਭਰੋਸਾ ਦੇਣ ਉਪਰੰਤ ਚੱਕਿਆ ਜਥੇਬੰਦੀਆਂ ਵੱਲੋਂ ਧਰਨਾ

ਜਗਰਾਉਂ, 13 ਦਸੰਬਰ (ਜਸਵਿੰਦਰ ਸਿੰਘ ਡਾਂਗੀਆ ) ਦਰਿਆ ਸਤਲੁਜ ਵਿੱਚ  ਲੁਧਿਆਣਾ ਅਤੇ ਜਲੰਧਰ ਵਾਲੇ ਪਾਸਿਓਂ ਹੋ ਰਹੀ ਨਜਾਇਜ਼ ਮਾਈਨਿੰਗ ਨੂੰ ਰੋਕਣ ਸਬੰਧੀ ਅੱਜ ਜਮਹੂਰੀ ਕਿਸਾਨ ਸਭਾ ਪੰਜਾਬ ਸੀਆਈਟੀ ਯੂ ਪੰਜਾਬ  ਕਿਸਾਨ ਸਭਾ ਵੱਲੋਂ ਜਗਰਾਉਂ ਜਲੰਧਰ ਰੋਡ ਤੇ ਹਾਈ ਟੈਕ ਨਾਕੇ ਤੇ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋਏ ਲੋਕਾਂ ਨੇ ਸੜਕ ਤੇ ਧਰਨਾ ਲਾ ਦਿੱਤਾ ਜਿਸ ਤੇ ਦੋ ਜਿਲ੍ਹਿਆਂ ਦੇ ਅਫਸਰਾਂ ਨੂੰ ਮੌਕੇ ਪਰ ਆ ਕੇ ਨਜਾਇਜ਼ ਮਾਈਨਿੰਗ ਕਰਨ ਵਾਲਿਆਂ ਤੇ  ਕਾਰਵਾਈ ਕਰਨ ਤੇ ਨਜਾਇਜ਼ ਮਾਈਨਿੰਗ ਨੂੰ ਬੰਦ ਕਰਨ ਉਪਰੰਤ ਹੀ ਜਥੇਬੰਦੀਆਂ ਵੱਲੋਂ ਧਰਨਾ ਚੁੱਕਿਆ ਗਿਆ ਸੀਆਈਟੀਯੂ ਦੇ ਸੂਬਾਈ ਆਗੂ ਕਾਮਰੇਡ ਅਮਰਨਾਥ ਕੁਮ ਕਲਾਂ ਅਤੇ ਦਲਜੀਤ ਕੁਮਾਰ ਗੋਰਾ ਜਮਹੂਰੀ ਕਿਸਾਨ ਸਭਾ ਦੇ ਬਲਰਾਜ ਸਿੰਘ ਕੋਟ ਉਮਰਾ ਬਲਜੀਤ ਸਿੰਘ ਗੋਰਸੀਆਂ ਤੇ ਗੁਰਦੀਪ ਸਿੰਘ ਵੱਲੋਂ ਅੱਜ ਦੇ ਧਰਨੇ ਦੀ ਅਗਵਾਈ ਕੀਤੀ ਗਈ ਤਹਿਸੀਲ ਮਹਿਤਪੁਰ ਦੇ ਨੈਬ ਤਹਿਸੀਲਦਾਰ ਅਤੇ ਸਿੱਧਵਾਂ ਬੇਟ ਤਹਿਸੀਲ ਦੇ ਨੈਬ ਤਹਸੀਲਦਾਰ ਅਤੇ ਦੋਨਾਂ ਜਿਲਿਆਂ ਦੇ ਪੁਲਿਸ ਅਧਿਕਾਰੀਆਂ  ਵੱਲੋਂ ਤਿੰਨ ਘੰਟੇ ਦੀ ਜੱਦੋ ਜਹਿਦ ਬਾਅਦ ਇਸ ਗੱਲ ਤੇ ਸਮਝੌਤਾ ਹੋਇਆ ਕਿ ਨਜਾਇਜ਼ ਮੈਨਿੰਗ ਕਰਨ ਵਾਲਿਆਂ ਤੇ ਜਲਦੀ ਤਿੰਨ ਦਿਨ ਦੇ ਅੰਦਰ ਅੰਦਰ ਸਖਤ ਕਾਰਵਾਈ ਕੀਤੀ ਜਾਊਗੀ ਅਤੇ ਦੋਨਾਂ ਜ਼ਿਲਿਆਂ ਦੇ ਅਫਸਰ ਨਜਾਇਜ਼ ਕੀਤੀ ਗਈ ਮਾਈਨਿੰਗ ਵਾਲੀ ਜਗ੍ਹਾ ਤੇ ਪਮਾਇਸ਼  ਕਰਨਗੇ ਕਾਰਵਾਈ ਕੀਤੀ ਜਾਵੇਗੀ ਅਤੇ ਨਜਾਇਜ਼ ਮੈਨਨ ਕਰਕੇ ਲਿਜਾਣ ਵਾਲਿਆਂ ਤੇ ਵੀ ਸਖਤ ਕਾਰਵਾਈ ਕੀਤੀ ਜਾਵੇਗੀ ਬੋਨਾ ਤੇਰਾ ਉਪਰੰਤ ਮੁੱਖ ਮੰਤਰੀ ਨੂੰ ਤਹਿਸੀਲਦਾਰਾਂ ਰਾਹੀਂ ਮੰਗ ਪੱਤਰ ਭੇਜੇ ਗਏ

ਜਥੇਬੰਦੀਆਂ ਦੇ ਆਗੂਆਂ ਨੇ ਕਿਹਾ ਕਿ ਜੇਕਰ ਪ੍ਰਸ਼ਾਸਨ ਇਸ ਸਮਝੌਤੇ ਤੇ ਪੂਰੀ ਤਰ੍ਹਾਂ ਖਰਾ ਨਾ ਉਤਰਿਆ ਤਾਂ  ਅਗਲੇ ਹਫਤੇ ਨਵੀਂ ਰਣਨੀਤੀ ਬਣਾ ਕੇ ਵੱਡੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ