ਐਡਵਾਂਸ ਇਨਕਮ ਟੈਕਸ ਅਤੇ ਗਲਤ ਰੀਫੰਡ ਕਲੈਮ ਸਬੰਧੀ ਸੈਮੀਨਾਰ ਆਯੋਜਿਤ

ਸ਼੍ਰੀ ਮੁਕਤਸਰ ਸਾਹਿਬ, 13 ਜੂਨ ()– ਇਨਕਮ ਟੈਕਸ ਵਿਭਾਗ ਵੱਲੋਂ ਬੀਤੇ ਦਿਨ ਇਕ ਸੈਮੀਨਾਰ ਕਰ ਅਧਿਕਾਰੀ ਰਵਿ ਕੁਮਾਰ ਅਗਰਵਾਲ ਦੀ ਅਗਵਾਈ ਹੇਠ ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਦੇ ਨਾਲ ਆਯੋਜਿਤ ਕੀਤਾ ਗਿਆ। ਇਸ ਸੈਮੀਨਾਰ ਦੌਰਾਨ ਲੋਕਾਂ ਨੂੰ ਐਡਵਾਂਸ ਟੈਕਸ ਭਰਨ ਲਈ ਪ੍ਰੇਰਿਤ ਕੀਤਾ ਗਿਆ। ਸੈਮੀਨਾਰ ਵਿੱਚ ਇਹ ਵੀ ਜਾਣਕਾਰੀ ਦਿੱਤੀ ਗਈ ਕਿ ਕੁਝ ਕਰਦਾਤਾ ਗਲਤ ਜਾਣਕਾਰੀ ਦੇ ਕੇ ਰੀਫੰਡ ਲਈ ਕਲੈਮ ਕਰਦੇ ਹਨ, ਜਿਸ ਤੋਂ ਬਚਣ ਦੀ ਸਲਾਹ ਦਿੱਤੀ ਗਈ। ਇਸ ਸੈਮੀਨਾਰ ’ਚ ਵਿਭਾਗ ਵਲੋਂ ਹੇਮੰਤ ਸ਼ਰਮਾ ਦਫ਼ਤਰੀ ਪ੍ਰਧਾਨ, ਦੀਪਕ ਕੁਮਾਰ, ਕਰ ਸਹਾਇਕ ਅਤੇ ਜਿਲ੍ਹਾ ਬਾਰ ਐਸੋਸੀਏਸ਼ਨ ਵਲੋਂ ਪ੍ਰਧਾਨ ਗਗਨ ਪਠੇਲਾ ਦੇ ਨਾਲ ਬਾਰ ਮੈਂਬਰ ਰਾਜੀਵ ਜੁਨੇਜਾ, ਵੀਰੇਂਦਰ ਗੁਪਤਾ, ਸਤੀਸ਼ ਬਾਂਸਲ, ਗੌਤਮ ਬਾਂਸਲ, ਸ਼ਿਵ ਰਾਜ ਲੂਣਾ, ਸੰਜੀਵ ਅਰੋੜਾ, ਵਰੁਣ ਗੁਪਤਾ, ਰਾਘਵ ਜੁਨੇਜਾ ਆਦਿ ਮੌਜੂਦ ਸਨ।