Manpreet Singh
ਗਿੱਦੜਬਾਹਾ, 31 ਜੁਲਾਈ (ਲਖਵੀਰ ਸਿੰਘ ਧੂਲਕੋਟੀਆ) – ਚਿਰੰਜੀ ਲਾਲ ਧੀਰ ਪਾਰਕ ਰਜਬਾਹਾ ਰੋਡ ਗਿੱਦੜਬਾਹਾ ਵਿਖੇ ਔਰਤਾਂ ਦੇ ਬੈਠਣ ਲਈ ਗਿੱਦੜਬਾਹਾ ਦੇ ਦੋ ਸਮਾਜਸੇਵੀਆਂ ਵੱਲੋਂ ਸੀਮਿੰਟ ਵਾਲੇ ਬੈਂਚ ਅਤੇ ਪੱਖੇ ਭੇਂਟ ਕੀਤੇ ਗਏ ਹਨ। ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਈਕੋ ਫਰੈਂਡਲੀ ਕਲੱਬ ਦੇ ਮੈਂਬਰ ਭੀਮ ਬਾਂਸਲ ਨੇ ਦੱਸਿਆ ਕਿ ਪਾਰਕ ਵਿਖੇ ਔਰਤਾਂ ਦੇ ਬੈਠਣ ਲਈ ਕੋਈ ਵਿਸ਼ੇਸ਼ ਜਗ੍ਹਾ ਨਹੀਂ ਸੀ, ਜਿਸ ਬਾਰੇ ਪਤਾ ਲੱਗਣ ਤੇ ਸਮਾਜਸੇਵੀ ਡਾ. ਪਵਨ ਕੁਮਾਰ ਗਰਗ ਵੱਲੋਂ ਸੀਮਿੰਟ ਦੇ 4 ਬੈਂਚ ਅਤੇ ਪ੍ਰੇਮ ਕੁਮਾਰ ਨਸਵਾਰ ਵਾਲਿਆਂ ਵੱਲੋਂ ਪੱਖੇ ਭੇਂਟ ਕੀਤੇ ਗਏ। ਇਸ ਮੌਕੇ ਕਲੱਬ ਵੱਲੋਂ ਦਾਨੀ ਸੱਜਣਾ ਦਾ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਰਮੇਸ਼ ਬੁੱਟਰ, ਅਸ਼ੋਕ ਵਰਮਾ, ਅਮਰਜੀਤ ਸਿੰਘ ਸਕੱਤਰ ਆਦਿ ਵੀ ਮੌਜੂਦ ਸਨ।
