ਸ਼ਹੀਦ ਊਧਮ ਸਿੰਘ ਸੋਸਾਇਟੀ ਵੱਲੋਂ ਕਰਵਾਇਆ ਗਿਆ ਇਤਿਹਾਸਿਕ ਟੂਰਨਾਮੈਂਟ

ਪੱਟੀ ਸਦੀਕ, 1 ਅਪ੍ਰੈਲ (ਬਲਕਰਨ ਸਿੰਘ ਮਸ਼ਾਲ)- ਸ਼ਹੀਦ ਊਧਮ ਸਿੰਘ ਵੈੱਲਫੇਅਰ ਸੋਸਾਇਟੀ ਗ੍ਰਾਮ ਪੰਚਾਇਤ ਬੱਲੂਆਣਾ ਅਤੇ ਢਾਣੀ ਠਾਕਰ ਸਿੰਘ ਦੀ ਪੰਚਾਇਤ ਦੇ ਸਾਂਝੇ ਜਤਨਾਂ ਸਦਕਾ ਮਿਤੀ 29/03/2025 ਅਤੇ 30/03/2025 ਨੂੰ ਸ਼ਹੀਦ ਊਧਮ ਸਿੰਘ ਦੇ ਨਾਮ ਤੇ ਕਰਵਾਇਆ ਟੂਰਨਾਮੈਂਟ ਇਤਿਹਾਸਕ ਹੋ ਨਿੱਬੜਿਆ ਦੱਸਣਯੋਗ ਹੈ ਕਿ ਬੱਲੂਆਣਾ ਪੰਚਾਇਤ ਵੱਲੋਂ ਨਵੇਂ ਬਣਾਏ ਗਏ ਸ਼ਹੀਦ ਊਧਮ ਸਿੰਘ ਖੇਡ ਸਟੇਡੀਅਮ ਵਿੱਚ ਸ਼ਹੀਦ ਦੇ ਨਾਮ ਤੇ ਕਰਵਾਏ ਗਏ ਟੂਰਨਾਮੈਂਟ ਦਾ ਉਦਘਾਟਨ ਸਿਆਸਤ ਦੇ ਬਾਬਾ ਬੋਹੜ ਸਰਦਾਰ ਗੁਰਚਰਨ ਸਿੰਘ ਮੁਸਾਫ਼ਿਰ ਮੌਜੂਦਾ MLA ਅਮਨਡੀਪ ਗੋਲਡੀ ਮੁਸਾਫਿਰ ਦੇ ਪਿਤਾ ਵੱਲੋਂ ਕੀਤਾ ਗਿਆ ਪਹਿਲੇ ਦਿਨ ਅੰਡਰ 13 ਬੱਚਿਆਂ ਦੇ ਕ੍ਰਿਕਟ ਟੂਰਨਾਮੈਂਟ ਰੱਸਾ ਕੱਸੀ ਮੁਕਾਬਲੇ ਸਰਪੰਚਾਂ ਦੀ ਦੌੜ ਬਜੁਰਗਾਂ ਵੱਲੋਂ ਮੁਰਗਾ ਪਕੜਨਾ ਅਤੇ ਪੰਜਾਬ ਦੇ ਸਿਰਮੌਰ ਕਲਾਕਾਰਾਂ ਵੱਲੋਂ ਸੱਭਿਆਚਾਰਕ ਅਖਾੜਾ ਲਵਾਇਆ ਗਿਆ ਆਕਰਸ਼ਣ ਦਾ ਖਾਸ ਕਾਰਨ ਇਹ ਸੀ ਕਿ ਇਸ ਟੂਰਨਾਮੈਂਟ ਵਿਚ ਬੱਲੂਆਣਾ ਪਿੰਡ ਦੇ ਪੁਰਾਣੇ ਖਿਡਾਰੀ ਜਿਨ੍ਹਾਂ ਨੇ ਕੱਬਡੀ ਕੁਸ਼ਤੀ ਵੀਣੀ ਵਾਲੀਬਾਲ ਕ੍ਰਿਕਟ ਆਦਿ ਖੇਡਾਂ ਵਿਚ ਪਿਛਲੇ 50 ਸਾਲਾਂ ਵਿਚ ਬੱਲੂਆਣੇ ਦਾ ਨਾਮ ਰਾਸ਼ਟਰੀ ਪੱਧਰ ਤੇ ਰੌਸ਼ਨ ਕੀਤਾ ।ਓਨ੍ਹਾਂ ਨੂੰ ਜਾਂ ਓਨ੍ਹਾਂ ਦੇ ਪਰਿਵਾਰਾਂ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ ਖ਼ਾਸਕਰ ਸਵਰਗੀ ਅਮਰਜੀਤ ਸਿੰਘ ਕੁਸ਼ਤੀ, ਝੰਡਾ ਰਾਮ ਕੱਬਡੀ , ਹਰੀ ਚੰਦ ਕੁਸ਼ਤੀ, ਗੁਲਾਬ ਰਾਮ ਕਬੱਡੀ, ਹਰਭਗਵਾਨ ਕਾਲੜਾ ਕੱਬਡੀ,ਮੋਹਨ ਲਾਲ ਕੱਬਡੀ, ਹਰਮੇਸ਼ ਕੁਮਾਰ ਕੁਸ਼ਤੀ, ਸੀਤਾ ਰਾਮ ਲੰਮੀ ਦੌੜ, ਚੌਧਰੀ ਚੰਬਾ ਰਾਮ ਸਾਬਕਾ ਸਰਪੰਚ ਵੀਣੀ ਇੰਨਾ ਤੋ ਇਲਾਵਾ ਕਈ ਹੋਰ ਵਿਅਕਤੀਆਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ ਲਵੋਲੀਬਾਲ ਸ਼ੂਟਿੰਗ ਕੱਚੀ ਵਿੱਚ 28 ਟੀਮਾਂ ਨੇ ਭਾਗ ਲਿਆ ।ਵਾਲੀਬਾਲ ਮੈਚ ਮਿਤੀ 30 ਨੂੰ ਰਾਤ 4 ਵਜੇ ਤੱਕ ਚੱਲਦਾ ਰਿਹਾ।ਵਾਲੀਬਾਲ ਮੈਚਾਂ ਵਿੱਚ ਜਿੱਤ ਦਾ ਸਿਹਰਾ ਬਾਰੇਕੇ ਪਿੰਡ ਦੀ ਟੀਮ ਨੂੰ ਮਿਲਿਆ ਅਤੇ ਉਪ ਜੇਤੂ ਟੀਮ ਰਾਮਕੋਟ ਰਹੀ । ਜੇਤੂ ਟੀਮ ਨੂੰ 25000 ਅਤੇ ਸ਼ਾਨਦਾਰ ਟਰਾਫੀ ਅਤੇ ਦੂਜੇ ਨੰਬਰ ਤੇ ਰਹਿਣ ਵਾਲੀ ਟੀਮ ਨੂੰ 17500 ਅਤੇ ਟਰਾਫੀ ਨਾਲ ਸਨਮਾਨਿਆ ਗਿਆ |ਰੱਸਾ ਕੱਸੀ ਦੀ ਜੇਤੂ ਟੀਮ ਨੂੰ 5100+ਟਰਾਫੀ ਦੇ ਕੇ ਸਨਮਾਨਿਆ ਗਿਆ।ਉਦਘਾਟਨੀ ਭਾਸ਼ਨ ਵਿਚ ਸਰਦਾਰ ਗੁਰਚਰਨ ਸਿੰਘ ਮੁਸਾਫਿਰ ਹਲਕਾ ਵਿਧਾਇਕ ਅਮਨਦੀਪ ਮੁਸਾਫਿਰ ਦੇ ਪਿਤਾ ਨੇ ਸ਼ਹੀਦ ਊਧਮ ਸਿੰਘ ਵੈਲਫੇਅਰ ਸੋਸਾਇਟੀ, ਗ੍ਰਾਮ ਪੰਚਾਇਤ ਬੱਲੂਆਣਾ ਅਤੇ ਢਾਣੀ ਠਾਕਰ ਸਿੰਘ ਦੀ ਪੰਚਾਇਤ ਦੇ ਸਾਂਝੇ ਯਤਨਾਂ ਨਾਲ ਕਰਵਾਏ ਟੂਰਨਾਮੈਂਟ ਦੀ ਸਲਾਘਾ ਕੀਤੀ ਅਤੇ ਨੌਜਵਾਨ ਪੀੜੀ ਨੂੰ ਨਸ਼ਿਆਂ ਤੋ ਦੂਰ ਰਹਿਕੇ ਗਰਾਊਂਡ ਨਾਲ ਜੁੜਨ ਦੀ ਅਪੀਲ ਕੀਤੀ ।ਓਨ੍ਹਾਂ ਨੇ ਆਖਿਆ ਕਿ ਓਨ੍ਹਾਂ ਦੇ ਬੇਟੇ MLA ਗੌਲਡੀ ਮੁਸਾਫਿਰ ਵੱਲੋਂ ਗ੍ਰਾਮ ਪੰਚਾਇਤ ਬੱਲੂਆਣਾ ਅਤੇ ਢਾਣੀ ਠਾਕਰ ਸਿੰਘ ਨੂੰ ਤਰੱਕੀ ਕਰਨ ਲਈ ਅਤੇ ਵਿਕਾਸ ਕਾਰਜਾਂ ਲਈ ਵੱਧ ਤੋ ਵੱਧ ਫੰਡ ਦਵਾਏ ਜਾਣਗੇ ।ਇਸ ਟੂਰਨਾਮੈਂਟ ਨੂੰ ਕਾਮਯਾਬ ਕਰਨ ਲਈ ਸਰਪੰਚ ਭਜਨ ਲਾਲ ਬੱਲੂਆਣਾ ਸਰਪੰਚ ਸੋਨਾ ਸਿੰਘ ਢਾਣੀ ਠਾਕਰ ਸਿੰਘ ਸ. ਦਵਿੰਦਰ ਸਿੰਘ ਮੈਂਬਰ ਪੰਚਾਇਤ ਸ. ਗੁਰਪ੍ਰੀਤ ਸਿੰਘ ਖੋਸਾ, ਹਰਮੇਸ਼ ਕੁਮਾਰ ਰਿਟਾਇਰਡ sho ਡਾਕਟਰ ਸੁਮਿਤ ਅਤੇ ਉਸ ਦੇ ਸਾਥੀਆਂ ਨੇ ਵਿਸ਼ੇਸ਼ ਯੋਗਦਾਨ ਪਾਇਆ । ਅਖੀਰ ਤੇ ਸੋਸਾਇਟੀ ਪ੍ਰਧਾਨ ਭਜਨ ਲਾਲ ਬੱਲੂਆਣਾ ਅਤੇ ਸਮੂਹ ਪ੍ਰਬੰਧਕ ਕਮੇਟੀ ਨੇ ਆਏ ਹੋਏ ਦਰਸ਼ਕਾਂ ਅਤੇ ਸੱਜਣਾਂ ਦਾ ਧੰਨਵਾਦ ਕੀਤਾ ਅਤੇ MLA ਗੋਲਡੀ ਮੁਸਾਫਿਰ ਦਾ ਸਟੇਡੀਅਮ ਬਣਾਉਣ ਲਈ ਕੀਤੇ ਯਤਨਾਂ ਲਈ ਧੰਨਵਾਦ ਕੀਤਾ ।