Manpreet Singh
ਈਦ ਦੇ ਚੰਦ ਦੀ ਭੂਮਿਕਾ ਨਿਭਾਅ ਰਿਹਾ ਹੈ। ਫਿਰੋਜ਼ਪੁਰ ਦਾ ਰਿਜਨਲ ਟਰਾਂਸਪੋਰਟ ਅਫਸਰ
ਅਜਿਹੀ ਭੂਮਿਕਾ ਕਾਰਨ ਪ੍ਰਬੰਧਕੀ ਢਾਂਚੇ ਦੀ ਹਾਲਤ ਹੋ ਰਹੀ ਹੈ ਡਾਵਾਂਡੋਲ।
ਫਿਰੋਜ਼ਪੁਰ, 20 ਨਵੰਬਰ (ਅਸ਼ੋਕ ਭਾਰਦਵਾਜ) ਰਿਜਨਲ ਟਰਾਂਸਪੋਰਟ ਵਿਭਾਗ ਫਿਰੋਜ਼ਪੁਰ ਜੋ ਆਏ ਦਿਨ ਅਖਬਾਰਾਂ ਦੀਆਂ ਸੁਰਖੀਆਂ ਚ ਛਾਇਆ ਰਹਿੰਦਾ ਹੈ ਪਰ ਪਰਨਾਲਾ ਫਿਰ ਵੀ ਉਥੇ ਦਾ ਉਥੇ ਹੀ ਰਹਿੰਦਾ ਹੈ ਕਿਉਕਿ ਇਸ ਅਮਲੇ ਦਾ ਉਚ ਅਧਿਕਾਰੀ ਕੋਲ ਅਡੀਸ਼ਨ ਚਾਰਜ ਹੋਣ ਕਾਰਨ ਉਹ ਫਿਰੋਜ਼ਪੁਰ ਕਦੇ ਕਦੇ ਹੀ ਆਉਦੇ ਹਨ ਜਿਸ ਕਾਰਨ ਇਸ ਦਫਤਰ ਦਾ ਪ੍ਰਬੰਧਕੀ ਢਾਂਚਾ ਡਾਵਾਂਡੋਲ ਹੋਇਆ ਪਿਆ ਹੈ। ਇੱਕਤਰ ਕੀਤੀ ਜਾਣਕਾਰੀ ਅਨੁਸਾਰ ਰਿਜਨਲ ਟਰਾਂਸਪੋਰਟ ਅਫਸਰ ਫਿਰੋਜ਼ਪੁਰ ਸ ਕਰਨਬੀਰ ਛੀਨਾ ਜਿੰਨਾਂ ਕੋਲ ਫਿਰੋਜ਼ਪੁਰ ਚਾਰਜ ਦੇ ਨਾਲ ਨਾਲ ਜਿਲਾ ਬਰਨਾਲਾ ਦਾ ਵੀ ਚਾਰਜ ਹੈ ਜਿਸ ਕਾਰਨ ਫਿਰੋਜ਼ਪੁਰ ਦੀ ਫੇਰੀ ਉਨ੍ਹਾਂ ਦੀ ਈਦ ਦੇ ਚੰਦ ਵਰਗੀ ਹੀ ਹੁੰਦੀ ਹੈ ਜਿਸ ਕਾਰਨ ਇਸ ਦਫਤਰ ਦਾ ਪ੍ਰਬੰਧਕੀ ਢਾਂਚਾ ਡਾਵਾਂਡੋਲ ਹੋਇਆ ਪਿਆ ਹੈ ਤੇ ਇਸ ਡਾਵਾਂਡੋਲ ਢਾਂਚੇ ਦੀ ਸੁਣਵਾਈ ਕਰਨ ਵਾਲਾ ਕੋਈ ਵੀ ਨਹੀ ਹੈ ਇਥੇ। ਡਰਾਇਵਿੰਗ ਲਾਇਸੈਂਸ ਲਈ ਟਰੈਕ ਤੋ ਲੈ ਕੇ ਦਫਤਰੀ ਕੰਮਾਂ ਲਈ ਲੋਕਾਂ ਨੂੰ ਬੜੀ ਭਾਰੀ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅਫਸਰ ਦਾ ਰੋਜਾਨਾ ਨਾ ਬੈਠਣ ਕਾਰਨ ਇਸ ਦਫਤਰ ਦਾ ਸਟਾਫ ਆਪਣੀ ਮਰਜੀ ਨਾਲ ਹੀ ਆਪਣੀਆਂ ਸੀਟਾਂ ਤੇ ਬਿਰਾਜਮਾਨ ਹੁੰਦਾ ਹੈ ਤੇ ਆਪਣੀ ਹੀ ਮਰਜੀ ਨਾਲ ਕੰਮ ਕਰਦਾ ਹੈ।
ਸੋ ਜਿਲਾ ਫਿਰੋਜ਼ਪੁਰ ਦੇ ਵਾਸੀਆਂ ਦੀ ਪੰਜਾਬ ਸਰਕਾਰ ਨੂੰ ਅਪੀਲ ਹੈ ਕਿ ਜਿਲਾ ਲੈਵਲ ਦੇ ਦਫਤਰ ਚ ਪੱਕੇ ਤੋਰ ਤੇ ਹੀ ਰਿਜਨਲ ਟਰਾਂਸਪੋਰਟ ਅਫਸਰ ਲਗਾਇਆ ਜਾਵੇ ਤਾਂ ਕਿ ਇਸ ਦਫਤਰ ਦਾ ਹਰੇਕ ਕੰਮ ਪਾਰਦਰਸ਼ੀ ਤਰੀਕੇ ਨਾਲ ਹੋ ਸਕੇ।
